აშშ-ში ინფლაცია 6.4%-მდე შემცირდა

ამერიკის შეერთებულ შტატებში წლიური ინფლაციის დონე, 6.4%-იან ნიშნულამდე შემცირდა, რაც 0.1 პროცენტული პუნქტით ნაკლებია წინა თვის მაჩვენებელზე, თუმცა 0.2 პროცენტული პუნქტით აღემატება ანალიტიკოსების პროგნოზს.

რაც შეეხება საბაზო ინფლაციას (CPI), რომელიც არ ითვალისწინებს სურსათისა და ენერგორესურსების ხარჯებს, აღნიშნული მაჩვენებელი წლიურ ჭრილში 5.6%-მდეა შემცირებული, რაც იმაზე მიუთითებს, რომ სამომხმარებლო ფასების ზრდის ტემპი ნელდება.

ინფლაციის ტემპის შენელება, პირველ რიგში, ფედერალური რეზერვის მიერ მონეტარული პოლიტიკის გამკაცრებითაა განპირობებული. შეგახსენებთ, რომ FED-მა გასულ წელს ძირითადი რეფინანსირების განაკვეთი 4.5%-მდე გაზარდა.